其實頭笠是很型/暖的

難得 comp off 半日, 目標清晰, 就是補回早兩天應該跑的減半長課 20km, 順便適應一下東京相似的溫度 (如果不是大雪). 午飯後回家, 第一個挑戰是克服午睡, 本人午睡起碼都3小時...幸好堅持到, 沒有下雨, 非常滿意. 第二挑戰是寒冷的天氣,  今天只是溫度低一點而已 (呵呵, 你話?), 那麼換上裝備後就去荃灣西鐵站起跑了.

一落樓第一句: "嘩! __ __ __ __ ! 真係好 __ 凍!!" (嘩! 豈有此理! 真係好鬼凍!). 沒有辦法, 出左門口, 頂硬上往海旁進發. 雖然做完一套熱身動作, 但是身體仍然很寒... 為了不走數, 上啦上啦, 只是20km... 今日好凍, 戴左個頭笠跑 (下圖),  跑步時同人打招呼, 佢話:"你都好型喎", 我話:"太凍啦". 其實我feel到佢想恥笑我似叮噹/天線得得b
佢唔識貨, 其實頭笠是很型/暖的, 解開索帶還可以當頸巾用. 今日凍, 只是衫不夠.

青山公路這幾段都是沿海, 陰天加上大風, 我只穿了一件短袖加一件長袖跑衣, 跑衣是透風的. 一路跑, 海風吹拂, 就像一下一下打在我身上, 還以為跑步可以暖身, 但今天寒風刺骨, 硬住頭皮跑跑跑. 口中不停唸..."__! 好 __ 凍... 許許許許許許..."...

由於是上班時間, 跑道上沒有太多人, 令人有種蒼涼的感覺. 所以見到迎面的跑手, 今天一定要舉手以示支持, 特別在這幾天凍到甩肺都跑的, 相信都是熱愛跑步的傻子, 值得尊敬 (y) 由荃灣西鐵出發, 跑到青山公路大欖段, 再回深井夠20km. 跑了兩小時, 終於到了深井, 立刻將頭笠變頸巾, 再衝入7仔飲朱古奶, 飲完才發現有樽裝熱維他奶... 真是太凍, 決定不在深井的公園做cool down, 趕快乘小巴, 震住回家再耍拳吧.

在個位數字溫度加上冷風衝擊下跑了20km, 完成此長課後, 好像又將前幾天的鬱結消除, 心情又變得舒暢了, 自信心又返番黎. 離出賽日不足2星期, 再練少少tempo run, 輕鬆的10km 就去馬了. hoho